هربت من نفسى... وفررت من ياسى ..وخاصمت مجتمعى وانطويت واعتزلت..اغلقت محمولى وذهبت الى المجهول كالسمكه اجرجت من المياه وتودع الحياه
وفجاة....تخرج صرخه من داخلى وتقووول ياااااا الهى لا تحرمنى من قلمى واوراقى فهى نفسى الوحيد الذى اشعر معه انى ازال احيا وحتى لا استسلم لياسى .
وبعد هذا البعد عن مجتمعى ارجع وان اجد اتهام يوجه الى اعز واهم عنصر للمجتمع وبدون اى تحيز ساتكلم معكم ونكون مع بعض شويه .
سيدتى الجميله(الزوجه)بريئه من تهمة النكد!!!؟
هذه الايام توجه اصابع الاتهام الى الزوجه وتصفها بالزوجه "النكدية"!!
هل هى حقيقه ام افتراء؟!!!واسئله اخره كثيره......
وبالرغم ان الزوج متاكد من ان تعليم الزوجه وخروجها لكل مجالات العمل الاانو يريد ان يظل "سى السيد" فى البيت وبين افراد اسرته وان زوجته اصبحت ملكية خاصة وعليها ان تقوم باداء واجباتها على اكمل وجه فى البيت وخارج البيت وتساهم فى مصروف الاسره . وهذه المعامله من جانب الزوج والضغوط التى تحاصر الزوجه سواء من البيت او فى العمل قد تحولها فى بعض الاحيان الى امراة كثيره الشكوى .... ولذالك وصفها الزوج بالزوجه النكديه !!! ومع ان المراة بصفه عامه والمصريه بصفه خاصه قادره على تحمل المسئوليات والصعاب ومواجهة المشاكل بجميع انوع وكلما تنتظرة من الزوج التقدير حتى ولو "كلمه حلوه" ولكن الزوج عادة بخيل فى مشاعره ويعتقد ان ... "الكلمه الحلوه"للزوجه قد تفسر تفسيرا خاطئا !!!
وعندما لاتجد الزوجه المقابل من الزوج تتحول فى بعض الاحيان الى زوجه نكديه !!
وسيدتى الجميله ممكن تسمعينى ولا تغضبى ولا تتعجبى ؛
فى الوقت الحالى وفى عصرنا النكد اذا تحدثت عن جمال الروح قوبلت بسخريه !!!!فالغالبيه لا تعرف الا بجمال الجسد والعديد من اغانى تشجع الاقبال على قوام المراة وبغض النظر عن اخلاقها!!
وقد حذرنا النبى عليه الصلاه والسلام من الهث وراء هذا النوع من الجمال (فاذا تزوجت امراة جميله وقعت اسيرا لجمالها) "فذنبك على جنبك"
وفى الجمال يجب ان يشمل بالدرجه الاولى اخلاقها وتدينها وشخصيتها وهذا هو الجمال الحقيقى.والجميله عاده تكون مصابه بالغرور !وترى خلق الله يلهث خلفها وتكون تلك الجميله غير متواضعه بل ستنكد على زوجها بمطالبها .وهذا المسكين ستركبه غيره مجنونه عندما يرى كل من هب ودب يطارد امراته وان الاسلام ونبينى قال وحذر عن غض النظرفى الطريق (ان النبى صلى الله عليه وسلم )قال فاعطو الطريق حقه :قالوا وما حقه ؟قال:فغض البصر وكف الازى ورد السلام . وان هذا المسكين لا يقدر على منع الرجال من النظر الى الزوجه الجميله .
ويا سيدتى الجميله ستكونى بالدنيا اذا جمعتى الجمال مع الاخلاق والادب وفى هذه الحاله تصبحى نعمه على زوجك .
»-(¯`v´¯)-» (كوكى) »-(¯`v´¯)-»
Falling hearts Here
هناك 4 تعليقات:
ايه ياسونا الكلام الجامد ده بجد عجبتينى فوى وسبحان الله بتقولى اللى الواحد حاسه اكتر حاجه بتعجبنى فيكى بجد احساسك العالى ده يارب دايما كده وتكونى فى تقدم احسن واحسن بحببببببببببببببببببببببببببببك
حولتينى يا كوكى الموضوع دا كمل ولا لسه
انسى بقى الاصحاب وتعالى للتقطيع بقى ههههههههههههههههه
اولا اسلوب كتابه جميل جدا لا خلاف عليه
افكار هايله برضوا
بس لبستى فكرتين في بعض وحولتينى انا
اولا اتكلمتى عن هل المرأه او الزوجه نكديه وشوية لقيت نفسى بفكر هو الجمال , جمال الشكل ولا القلب
افرقى بينهم انا كأنى لبست في حيطه يا كوكى مينفعش كدا
فى همزه وصل بينكم اكيد انا فقدتها مش عارفه هحاول اقرى تانى واديكى باقى التعليق لايف بقى هههههههههههههه انتى عرفانى منوفيايه يعنى كتر الكتابه مش من طبعى المنوفى
عذرا يا جماعه محدش يتدخل اصلى متغاظه منها صراحه علي تعليقها عندي وبرده بقى بس هيه هههههههههههههههههه
سكره انتى يا كوكى ناقشتى الموضوع بس مرتبتيش النقط
هقولك يعنى قولتى ليه الراجل بيشوف مراته نكديه علشان دايما مشغوله عنه بحاحات ملهاش يد فيها وانه برغم كل مجهوداتها مش بيقدر
طيب بسيطه هى ترمى كل الحمول اللي عليها وتاخد بالها منه وبس وهو بقى يضرب الارض تطلع بطيخ ويشتغل ويصرف علي البيت وعلى الأولاد
دايما بتغاظ انا من الرجاله اللي م عايزه تشيل مسئولية اولادها وتقول الأم هى الاساس وهى اللي تتحمل وتسمع وتوعى وذاد همها كمان تشتغل وتصرف امال هى متجوزه البيه يعمل ايه ظل حيطه ولا أسم فى عقد الزواج
أسكتى يا اختى دنا علي اخرى منهم
هههههههههههههههههههه
النقطه التانيه بقى في اختيار الزوجه جلت منى مش فهماها
هستحملى اكمل ولا ايه .. ما انتى مش هنا اكمل بقى واستحملى معلش
مش عيب المرأه انها تكون جميله ومش كل حد جميل مغرور او مش محترم انا اعترض
هتقوليلى انتى بالذات متتكلميش عن الجمال يا نور خليكى في جمال القلب هقولك ما علينا هههههههههههه خلينا في جمال القلب ماشى اللي نعرفه احسن من اللي منعرفهوش بس مننكرش على الناس حقهم برضوا
ومش كل حد مش جميل حد حلو قوى واخلاقه عاليه
هى بتتوقف علي الانسان نفسه مش شكله
مهو لو الرجاله اختارت بس نساء مش علي قدر عالى من الجمال علشان يبقوا زوجاتهم تبقى باقية البنات هتعنس
سيبك من انها مصلحه لينا ههههههههههه
بس حرام ليه
اصلا نادر فى بلادنا الجمال الصارخ
في جمال ربانى كدا في ملامح هاديه منمقه
وبما ان مفيش انسان كامل يبقى كل بنوته جميله جدا ربنا وهبها الشكل واخد منها شيء بس مش لازم اخلاقها يعنى ممكن يكون شيء تانى
زي البنوته اللي كتبت عليها في كابوسى القديم مثلا
وفى حد مش جميل جدا لكنه اخلاقه جميله
بس تعرفى دايما اللي هيجذب الانسان لأنسان تانى هو القلب وجمال القلب والروح والأخلاق سواء بقى هو انسان جميل او لا شكليا
بعتذر عن الاطاله وهو مش انتقام برغم انى متغاظه منك فعلا ههههههههههه بس عيب انا اخلاقى متسمحليش أنتقم من اعز احبابى
خالص تحياتى ليكى
من عالم أحلام نور هاه ماشى لينا كلام اخر علي الايميل سبونى عليها هههههههههههههههههههههههههههه
كلامك حلو قوي يا سونا حياتىىىى بس انا مش عارفه اقلك ايه انا بس كتبت لانى بحبك وربنا يخليكى لياااااا (دودى كاااااااات)
السلام عليكم
حبيبتي وروووح قلبي وحشااني جداا ربنا يديم عليك السعاده
بوست جميل يضم تلاث جوانب
الأول أنا معاك إوعي تستغني عن قلمك لأنو ده سلاحك وده هو المنفذ لتطوير الفكر وياريت ماتكونيش زي الناس المكتأبة لما حرفها يتلعثم جوه الشفاه لأن الصبر مفتاح الفرج...
ثانيا الزواج سكن بيلجألو الواحد مننا للإستقرار مش للنكد والروتين والإهمال يجيب فشل في علاقة الزوج يعني الزوجة لازم تساعد زوجها وتوفرلو الجو مش لأنو سي السيد بس لأن طاعة الزوج من طاعة الرب ويارب نكونوا زوجات صالحات بإذن الله
ثالثا غض البصر ده موضوع مهم جدا وأنا شايفه الشباب اليومين دول عكس الحديث والبحلقة بقت مودة عند الست ولا الراجل الله المستعان
وأخرا وليس أخيرااا بحبك في الله يانور عيني وإنتي دايما في بالي سلامي لماما وبابا وكل الشلة وخصوصا عديم الإحساس باشا هههه
دمتي في رعاية الله وحفظه
إرسال تعليق